|
| 今日知道劉生出左事, 講真, 雖然唔係同佢好熟, 但佢係我第一個見過而又識得既人做"呢樣野", 真係另人意外. 我唔可以話唔開心, 但係有D感慨, 一個咁叻, 又正當盛年既管理人走左, 真係好可惜. 究竟佢因咩事要咁做呢, 係咪真係咁唔開心到要咁樣做呢? 我好想知道.希望其他同佢相熟既人可以早日平伏心情. | | |
| 睇左"赤壁", 自己覺得呢個戲本係好易拍, 因為人物好多, 又因為太歷史悠久, 冇乜可以駁古既地方, 不過吳導演既取寫好特別, 特別去為演員去做一d佢地容易d handle既角色, 例如小喬, 孫尚香. 小喬一角都唔太奇怪, 因為呢d片唔加女角色絕對吸引唔到女觀眾, 不過因為林志玲係女人公敵, 所以佢都係比人批評多ga la, 趙薇做孫尚香, 我覺得求其搵個人做都得啦, 好似浪費左佢咁, 因為趙薇不嬲做戲都做得唔錯. 我一向認為日本人拍戲都係麻麻地, 可能佢地太著眼於一d細節上, 例如風景, 服飾, 化妝等, 唔知係咪太多野兼顧, 佢地大部份演員好多時都有比人唔投入既feeling, 所以中村獅童扮甘寧係吳生呢套片中一個我覺得失敗既地方, 因為本身個角色唔重要, 而且甘寧係一個又比較冷門既角色, 想搵前人拍過既甘寧戲份做參考係好有難度. 赤壁中, 好重要既角色反而被忽略左, 例如黃蓋, 程普又冇講, 好在都有出現魯肅. 金城武同梁朝偉既演出一般, 反而張震就ok wo. 總括而言呢套戲係不俗既, 不過可能鬼佬唔會睇囉, 因為呢套戲有好多位置, d外國人唔會明, 除左日本人. | | |
|  早排新年去上海, 我見到大陸既Channel V播大嘴巴既介紹專訪, 覺得呢隊野好特別, 因為佢地原來係三個唔同既民族組成, 有日本, 韓國, 同中國. 之前香港睇MTV台已經有留意, 估唔到佢地o係大陸都咁hit. 唔知蘇打綠又hit唔hit呢? 點解香港冇呢D band或者 group ga le? 不過香港人淨係一首<<酷愛>>呢首少少另類Bit既歌係hit, 慘!!!
| | |
| 真係好耐冇打過blog, 依家又想打. 原來重有人唔知我轉左工, 我以為已經通知晒添. 依家做左一個月, 真係唔知係咪好過之前, 但係我估大家都睇得出我真係開心左好多. 都轉左工成個月, 我重係成日諗住返去舊公司, 不過我又好鬼矛盾, 因為舊公司根本唔覺得我岩使. 新公司, 即係渣打, 其實好岩我, 又自由D又開心D又假期多D, 好彩渣打請左我, 唔係等到舊公司加左我人工o個時, 我又可能唔原走.
呢排好多人討論一個叫<<一百萬人的故事>>既節目, 其實我係一集都冇睇過. D有識之士個個都彈呢個節目, 話只係煽動悲情, 根本唔了解窮人真正既苦處, 又話節目中唔討論呢樣, 唔討論果樣, 咁無線班人制作既節目, 不嬲都"岩岩慚慚, 甩皮甩骨" ga la. 我諗真正唔明白窮人真正既苦處既人, 就正正係呢班有識之士. 對窮人o黎講, 短期,急切性需要就係佢地現在既問題, 所以政府同呢班學者成日話治本方法, 長遠睇, 簡直係同窮人開玩笑.
有個影評人重搞笑, 佢話我地香港D窮人究竟要脫貧定脫苦, 佢指出一D落後國家有好多人貧窮, 但係人地都好快樂, 我心諗, 人地夜晚冇地方住可以席位而睡, 香港會比人話阻街. 唔知個影評人知唔知我講緊D乜. 不過佢提出一個好精景既地方, 就係<<一百萬人的故事>>呢個節目完左就會做一個叫<<更上一層樓>>既節目, 呢個簡直係一個我有生以來最爛既gag之一, 就同"貧"字個速成碼一樣咁爛. | | |
|   18/11 估唔到我個手機既攝影功能咁差, 更估唔到我走左去助選, 不過都係行行企企咁, 見到其他助選員勁落力, 心中有愧. 唉, 坪石呢個選區係一個典型既老人區, 基本上係出左名鐘意派餅既政黨--民建聯既天下, 而阿威就係打民主, 專業, 年青既公民黨成員, 咁結果係點, 我更估慘烈啦, 不過阿威真係好厲害, 佢有千幾票, 希望呢千幾票可以鼓舞到佢, 再接再厲.   29/11 又係一年一度既PNC秋季大旅行, 不過呢年有好多唔同既野, 例如氣氛啦, 人啦. 不過起碼有一樣野係一樣, 就係都係 farewell BBQ, 舊年係譚小姐, 今年係Felix. 雖然性質唔同, 不過都係想佢地留低啦. 見到其他人閃晒, 而自己重棟係度, 真係灰, 唔知Clara有冇d咁既feeling呢? | | |
|
